 |
| Bilbo, Bizkaia. Txakurrak eta piketeak aurrez aurre. "Independentzia nazionalaren aldeko borroka iraultza sozialaren aldeko motorra izan daiteke eta izan behar du" |
Quebec-eko trotskistek
egunkari bat kaleratu dute
REPUBLIQUE OUVRIERE
Independentzia eta sozialismoa!
Originala
frantsesez.
Trotskistak.blogspotek
Workers Vanguardetik
euskaratua
“
|
Quebec-en
independentziaren alde gaude, aurrebaldintzarik gabe. Baina République Ouvrière-k gauza guztien
gainetik borroka nazional eta sozialei lidergo proletario eta iraultzaile bat
emateko dihardu borrokan. Langileen batzarrek boterea hartzeko aldarria egiten
dugu, burgesia desjabetzearen alde gaude, ekonomia planifikatu baten alde gaude,
Quebec-eko errepublika proletarioaren alde gaude! Bai Kanada ingeleseko geure
burkideekin batera, bai Estatu Batuetako Liga Espartakistakoekin eta munduan
zehar Liga Komunista Internazionalaren gainontzeko kideekin batera, iraultza
sozialista mundiala zuzendu dezakeen abangoardiako alderdi bat eraikitzearen
alde gaude, basakeria inperialistaren eta hondamendi nuklearraren aitzinean humanitatearen
etorkizunak duen esperantza bakarra delarik.
Independentzia
nazionalaren aldeko borroka iraultza sozialaren aldeko motorra izan daiteke eta
izan behar du.[…] Alderdi propiorik gabe, langileei beraien askapena erdiesteko
hautu bakarra PQ Alderdi Quebectarra delaren ideia saldu zaie. Baina horren
ondorioz, behin Alderdi Quebectarra boterea eskuratuta, alderdi burgesa den heinean,
patroien mesedetan jarri zen Quebec egonkortzen, “bake soziala” sustatzen. […] PQ-ren
kudeaketak independentziaren aldeko babesa jaistea lortu du soilik.
Azken
batean, PQ ez da sekula gai izango Quebec-en askapen nazionala konkistatzeko,
beti egongo delako bankuen, credit bureau-en, Wall Street-en eta abarren menpe.
Eta République Ouvrière-n azaldu
bezala, Québec Solidaire-k, hasierako PQ-rekin antzekotasun anitz dituenak, ez
du deus hoberik eskaintzeko ezkerreko nazionalismo sutsuago bat ez bada. République Ouvrière-k kale itsu guzti
horiek agerian uzten jardungo da.
[…]
Quebec-eko
errepublika proletarioaren sorrerak zenbait iraultza piztu ditzake bai
Ameriketan bai mundu mailan. […] Errusiar langileriak boterea arrakastaz
eskuratu zuela 100. urtemuga ospatzen dugularik, boltxebikeen lana geure eredua
izaten segitzen du Urriko Iraultza berriak gerta daitezen nazioarte mailan.
—Workers Vanguard, 1117. alea, 2017ko
irailaren 8a.
