Lenin: « Gizarte kapitalista beti izan da eta beti da amaierarik gabeko laztura »

« Gizarte kapitalista beti izan da eta beti da amaierarik gabeko laztura. Eta egungo gerrak orain, gerra guztien artean erreakzionarioena, gizarte horri amaiera lazgarri bat prestatzen baldin badio, ez dugu zertan desesperazioan erori behar. Eta garai honetan, mundu guziak ikusi dezakenez, burgesiak berak prestatzen ari den gerra zilegi eta iraultzaile bakarraren aurrean —hau da, burgesia inperialistaren kontrako gerra zibila— desarmea “eskatzea”, edo hobeki esanda, desarmearen lilurakeria eskatzea, bere esanahi objektiboagatik, desesperazioan erortzearen froga bakar eta esklusiboa baino ez da.»

—Lenin: Iraultza proletarioaren programa militarra (1916ko iraila)

Lenin: Armada sozialistaren lehenbiziko soldaduak agurtzeko mintzaldia

LENIN :

Armada sozialistaren lehenbiziko

soldaduak agurtzeko mintzaldia

—prentsa ohar laburra—

PRAVDA

1918ko urtarrilaren 1a (14a) 

1918ko urtarrilaren 1ean (14an) abiatu ziren lehenbiziko tropak Petrogradetik frontera. Leninek soldadu iraultzaileak agurtu eta Smolni Institutura itzultzen ari zela atentatu bat pairatu zuen. Bala bat buruaren gainetik pasa zitzaion, Fritz Platten komunista suitzarra zauritu zuelarik.

 

B

urkideak :  Zuen bitartez agurtzen dut errusiar proletalgoak errusiar iraultzaren garaipenaren eta bere aldarrikapen aparten alde, gure lurretan ez ezik,  mundu osoko herrietan borrokatzeko hautua egin duela. Zuen bitartez armada sozialistaren lehenbiziko heroi boluntarioak agurtzen ditut, armada iraultzaile indartsu bat sortzekotan zaudete. Armada honek iraultzaren konkistak defendituko ditu, gure botere popularra, soldaduen, langileen eta nekazarien diputatuen sobiet-ak, erregimen berri osoa, zinez demokratikoa dena, herriaren etsai ororen aurrean, une honetan iraultza itotzeko jarduten direlako bitarteko guztien bidez. Etsai hauek mundu osoko kapitalistak dira, eta errusiar iraultzak langile guztiak askatzea duelako helburu, gurutzada batean murgilduta daude bere aurka. Erakutsi behar dugu mundu mailako iraultzaren bidean topatzen ditugun oztopo guztiak deuseztatzeko gaitasuna duen indar bat garela. Lubakietara doazen burkideak, ahulei lagundu diezaietela, irmotasuna eman zalantzatiei, eta, erakusbide pertsonalaren bidez, adore eman nekatuei. Herriak hasi dira esnatzen, jadanik entzuten dute gure iraultzaren deiadar sutsua, eta laster ez gara bakarrik egongo, gure armadari beste herrialdetako proletarioak batuko zaizkio. (Aldeko oihuek eta txalo zaparrada batek Leninen hitzak ito zituzten. Armada sozialistaren boluntarioek Lenin burkidea automobileraino lagundu zuten, Internazionala-ren akordeen artean.)

—LENIN.

Pravda, 3. alea (arratsaldeko edizioa), 1918ko urtarrilak 17 (4).

Lenin, Obras completas (Ed. Progreso; Mosku, 1986).

Itzulpena: trotskistak.blogspot.

Lenin: « Inperialismoa ez da inolaz ere kapitalismoaren desbideratze sendagarri bat »

"DEFEND IRAQ
DEFEAT U.S. IMPERIALISM
SPARTACIST LEAGUE | SPARTACUS..."

«

Politika koloniala eta inperialismoa ez dira inolaz ere kapitalismoaren desbideratze patologiko baina sendagarriak (filisteoek uste duten moduan, Kautsky barne) ; kapitalismoaren oinarrien halabeharrezko ondorioetako bat da : enpresen arteko konpetentziak azken alternatiba hau planteatzen du : porrota jasan edo besteei jasan araztea ; herrialde desberdinen arteko konpetentziak azken alternatiba hau planteatzen du : bederatzigarren postuan egon eta etengabean Belgikak duen zoria izatera arriskatu, edo, aldiz, beste herrialdeak porrotera eraman eta menperatzea, eta beraz, potentzia “handien” artean leku bat aurkitzeko bidea zabaltzea.

—Lenin (Alderdi Boltxebikea): Inperialismoa eta sozialismoa Italian. Kommunist aldizkaria, 1-2 aleak, 1915; Obras completas, Progreso argitaletxea, Mosku.

"SPARTAKIST/Internationale Kommunistische Liga"

Lenin, 2019ko Emakume Langilearen borroka egunerako

Gora martxoaren 8a, emakume langilearen eguna!

Lenin :

BOTERE SOBIETARRA eta

EMAKUMEAREN EGOERA

 

1919ko azaroa.

Blog honek euskaratu du gazteleratik.

 

B

otere sobietarraren bigarren urtemugaren karietara, beharrezkoa da urte hauetan egindakoari buruzko balorazio bat egitea eta gertatutako aldaketen garrantziaz eta hauen helburuetaz hausnarketa bat egitea.

Burgesiak eta bere lagunek demokrazia urratu izana leporatzen digute. Guk, aldiz, iraultza sobietarrak ordura arte ikusi gabeko bulkada sakon eta zabal bat eman diola baieztatzen dugu, hau da, kapitalismoak  menperatutako jende langile eta zapalduari, herriaren gehiengo zabalari mesede egiten dion demokraziari, (langileei mesede egiten dion) demokrazia sozialistari, eta ez demokrazia burgesari (esplotatzaile, kapitalista eta aberatsen aldekoa dena).

Nork du arrazoia?

Arazo hau ongi analizatzeko eta sakonago ulertzeko, bi urte hauen esperientziaren balorazio bat egin behar dugu, eta prest egon behar gara esperientzia hau garatu eta aurrera eramateko.

Emakumearen egoerak agerian uzten du modurik nabarmenenean demokrazia burgesaren eta demokrazia sozialistaren arteko diferentzia, eta erantzun bikain bat ematen dio planteatutako arazoari.

Errepublika burges batean (hau da, lurraren, fabriken eta lantegien, akzioen, eta abarren jabetza pribatua existitzen den lekuan), nahiz-eta errepublika demokratikoena izan, emakumeak ez du inoiz izan gizonezkoek dituzten eskubide berdintsurik, munduko inongo lekutan, ezta herrialde garatuenetako batean. Eta hori duela 125 urte pasa direla Frantses Iraultza (demokratiko-burges) handia gertatu zela.

Demokrazia burgesak hitzez promesten du askatasuna eta berdintasuna. Baina errealitatean, legearen aurrean, ezta errepublika burges bakar batean, ezta aurreratuenean ere, ez dio eman emakumeari eskubide berdintasun osoa gizonekiko, eta ez du emakumea askatu gizonen zapalkuntzatik eta menpekotasunetik.

Demokrazia burgesa esaldi hantusteen, hitz solemneen, promesa liberalen, askatasunari eta berdintasunari buruzko eslogan hotsandien demokrazia da, baina errealitatean, horrek guztiak emakumearen askatasun falta eta berdintasun eza ezkutatzen du, langileen eta zapalduen askatasun falta eta berdintasun eza.

Demokrazia sobietarrak edo sozialistak hitz hantuste baina faltsu horiek bazterrera bota eta errukirik gabe gerra deklaratzen dio “demokraten”, lur-jabeen, kapitalisten eta nekazari aberatsen hipokrisiari, espekulazioaren bitartez, zerealen soberakinak salduz, langile gosetien kontura aberastu egiten direlako.

Gezur zitalik ez! Ezin da egon, ez dago, eta ez da inoiz egongo “berdintasunik” zapaltzaileen eta zapalduen artean, esplotatzaileen eta esplotatuen artean. Ezin da egon, ez dago, eta ez da inoiz egongo “askatasunik” emakumeek gizonen pribilegio legalen oztopoak pairatzen dituzten bitartean, langileak kapitalaren uztarpetik askatzen ez diren bitartean; nakazari beharginak kapitalistaren, lur-jabearen eta merkatariaren uztarpetik askatzen ez diren bitartean.

Saia bitez hipokritak eta gezurtiak, ergelak eta itsuak, burgesak eta beraien morroiak, herria engainatzen askatasun orokorrarekin, berdintasun orokorrarekin, demokrazia orokorrarekin.

Guk langileei eta nekazariei honako hau esaten diegu: Kendu iezaiozue mozorroa gezurti horiei, ireki iezaizkiozue begiak itsuei !

Galde iezaiezue:

—Ba al da berdintasunik sexu baten eta bestearen artean ?

—Nazio baten eta bestearen artean ?

—Klase baten eta beste klase baten artean ?

—Zein uztarritik askatu, edo zein klaseren uztarritik? Askatasuna zein klaserentzat?

Politikari buruz, demokrazia eta askatasunari buruz, berdintasunari buruz, sozialismoari buruz hitz egiten duenak galdera horiek planteatu gabe, lehentasunik eman gabe, galdera horiek ezkutatzearen, estaltzearen eta disimulatzearen aurka borrokatzen ez dena, langileen etsairik okerrena da, ardi larruz estalitako otso bat da, langileen eta nekazarien aurkaririk basatiena, lur-jabeen, tsar-en eta kapitalisten lekaio bat.

Bi urtetan botere sobietarrak, Europako herrialderik atzeratuenetako batean, gauza gehiago egin ditu emakumearen emantzipazioaren alde, sexu “indartsuaren” aurrean berdintasuna lortzearen alde, 130 urtetan munduko errepublika “demokratiko” aurreratu eta ilustratuek egin dutena baino.

Hezkuntza, kultura, zibilizazioa, libertatea, hitz hotsandi guzti hauek, munduko errepublika kapitalista eta burges guztietan lege multzo ikaragarriki doilorrez, nazkagarriki zikinez, basatiki zakarrez lagundurik doaz, eta emakumearen berdintasun eza ezartzen dute ezkontzan eta dibortzioan, berdintasun eza ezartzen dute ezkontzatik at jaiotako haurren eta haur “legitimoen” artean; lege hauek pribilegioak ematen dizkiete gizonei, baina emakumea umiliatu eta degradatzen dute.

Kapitalaren uztarriak, “jabetza pribatu sakratuaren” zapalkuntzak, filistiar ergelkeriaren despotismoak, jabe txikiaren gutiziak; gauza hauek eragotzi diete errepublika burges demokratikoenei lege zital eta nazkagarri horiek abolitzea.

Sobietar Errepublikak, langileen eta nekazarien errepublikak, kolpe batez deuseztatu zituen lege horiek eta ez zuen zutik utzi gezur burgesen eta hipokrisia burgesaren dorrearen harri bat bera ere.

Behera gezur horiek! Behera guztiontzako askatasunaz eta berdintasunaz hitz egiten duten gezurtiak, klase zapaltzaileak dirauten bitartean, kapitalaren eta akzioen jabetza pribatua dirauen bitartean, gosetiak esklabo bihurtzeko zerealen soberakinak erabiltzen duen jende aberatsa existitzen den bitartean! Askatasunik ez guztientzako, berdintasunik ez guztientzako, baizik-eta gerra zapaltzaileei eta esplotatzaileei, zapaltzeko eta esplotatzeko aukera  oro deuseztatu behar da! Hori da gure deiadarra!

Askatasuna eta berdintasuna sexu zapalduarentzat!

Askatasuna eta berdintasuna langileentzat eta nekazari beharginentzat!

Zapaltzaileen aurka, borroka; kapitalisten aurka, kulak* espekulatzaileen aurka, borroka!

Hori da gure borroka deiadarra, hori da egia proletarioa, kapitalaren aurkako egia, kapitalaren munduaren aurpegira —askatasuna eta berdintasuna orokorrean, askatasuna eta berdintasuna guztientzako aldarrikatzen duten esaldi melenga, hipokrita eta handiusteekin— jaurtitzen dugun egia.

Hipokrisia hau agerian utzi dugulako, energia iraultzailearekin langile zapalduen askatasuna eta eskubide osoak bermatzen gabiltzalako, zapaltzaileen aurka, kapitalisten aurka, kulak-en aurka; horrexegatik da, hain zuzen ere, hain maitatua botere sobietarra munduko langileen artean.

Ondorioz, botere sobietarraren bigarren urtemugaren egunean, gure alde azaltzen da, munduko herrialde guztietan, langile jendearen sinpatia, zanpatuen eta esplotatuen sinpatia.

Hortaz, botere sobietarraren bigarren urtemuga ospatzean, nahiz-eta gosea eta hotza pairatu, nahiz-eta errusiar Errepublika Sobietarrak inbasio inperialistak eragindako sufrimendu guztiak jasan, irmoki uste dugu gure kausa justua dela,  irmoki uste dugu botere sobietarraren garaipena saihetsezina dela mundu mailan.

—Lenin, Alderdi Komunista

Pravda, 249. alea, 1919ko azaroaren 6a.

Pravda egunkariaren arabera argitaratua.

Akal: Lenin, obras completas, 32. liburukia.

 

(*)Kulak: Nekazari aberatsa

 

Lenin: «No es marxista, ni siquiera demócrata, quien no reconoce ni defiende la igualdad de las naciones y de los idiomas»

“No es marxista, ni siquiera demócrata, quien no reconoce ni defiende la igualdad de las naciones y de los idiomas, quien no lucha contra toda opresión o desigualdad nacional”

—Lenin: Notas críticas sobre el problema nacional (1913)

 

“Aldarrikapen demokratiko orokor guztiak aldarrikapen demokratikoburgesak dira; baina bakarrik anarkistek eta oportunistek deduzitu dezakete proletalgoak ez dituela aldarrikapen hauek babestu behar ahalik eta modurik kontsekuenteenean.”

—Lenin: Kadeteak eta “nazioen autodeterminazio-eskubidea” (Proletarskaia Pravda, 4. alea, 1913ko abenduaren 11).

 

“Izurri nazionalistak dituen forma guztien aurka borrokatzeko oso inportantea da autodeterminazio-eskubidea defenditzea”

—Lenin: Kadeteak eta “nazioen autodeterminazio-eskubidea” (Proletarskaia Pravda, 4. alea, 1913ko abenduaren 11).

 

« Gaur egungo kapitalismoaren eskaeretako bat populazioaren homogeneotasun nazional ahalik eta handiena da, nazionalitatea eta hizkuntza-antzekotasuna faktore inportanteak direlako barne-merkatuaren erabateko konkistarako eta hartu-eman ekonomikoen erabateko askatasunerako »

—Lenin: Notas críticas sobre el problema nacional (1913)

 

« Menperakuntza feudala deuseztatzea, zapalkuntza nazional ororen eta nazio jakin baten edo hizkuntza jakin baten pribilegioak ezabatzea, proletalgoak indar demokratiko gisa duen nahitaezko betebehar bat da, eta zalantzarik gabe proletalgoaren borrokarentzat mesedegarria da, auzi nazionalaren inguruko kalapitak borroka lausotu eta atzerarazten baitu.»

—Lenin: Notas críticas sobre el problema nacional (1913)

 

« El nacionalismo burgués, que embota la mente de los obreros, los embrutece y divide a fin de que la burguesía pueda llevarlos de las riendas, es el hecho fundamental de nuestra época.»

——Lenin: Notas críticas sobre el problema nacional (1913)

 

« Boterea hartzen dugunean, berehala eta inongo kondiziorik gabe, Finlandiak, Ukrainak, Armeniak, eta tsarismoak (eta errusiar burgesiak) zapaldutako gainontzeko nazioek libreki separatzeko duten eskubidea defendituko dugu »

—Lenin: Alderdiaren programaren berrikustea (1917ko urria)

 

« El derecho a la autodeterminación, mi querido señor liquidador, no implica por cierto que el problema es resuelto por un parlamento central, sino por el Parlamento, la Dieta o el referéndum de la minoría que desea separarse. Cuando Noruega se separó de Suecia (1905), eso lo decidió sólo Noruega (un país que es la mitad de Suecia).»

—Lenin: El programa nacional del POSDR (1913ko abenduaren 15a (28a), Sotsial-Demokrat-en 32. alea.

Lenin i els Països Catalans

« El derecho a la autodeterminación, mi querido señor liquidador, no implica por cierto que el problema es resuelto por un parlamento central, sino por el Parlamento, la Dieta o el referéndum de la minoría que desea separarse. Cuando Noruega se separó de Suecia (1905), eso lo decidió sólo Noruega (un país que es la mitad de Suecia).»

—Lenin: El programa nacional del POSDR (1913ko abenduaren 15a (28a), Sotsial-Demokrat-en 32. alea.

« Boterea hartzen dugunean, berehala eta inongo kondiziorik gabe, Finlandiak, Ukrainak, Armeniak, eta tsarismoak (eta errusiar burgesiak) zapaldutako gainontzeko nazioek libreki separatzeko duten eskubidea defendituko dugu »

—Lenin: Alderdiaren programaren berrikustea (1917ko urria)

Lenin, jakobinoen defentsan

 

Lenin: “Normala da burgesiak jakobinoak gorrotatzea”

H

istorialari burgesen iduriko, jakobinismoa erorialdi  bat da (“behera” egitea da). Historialari proletarioen iduriko, klase zapaldua askatzeko borrokaren puntu gorenetako bat da. Jakobinoek iraultza demokratiko baten alde eta errepublikaren aurkako monarken koalizio bati erresistitzeko eredurik hoberena eman zioten Frantziari. Ezin izan zuten garaipen osoa lortu, batez ere 18. mendeko Frantzia inguratzen zuten herrialdeak atzeratuegi zeudelako, eta Frantziak bera ere sozialismoa eraikitzeko oinarri materialik ez zuelako, bankurik ez zelako, ezta partzuergo kapitalistarik, ezta makinak eraikitzeko industriarik, ezta trenbiderik.

20. mendeko “jakobinismoa”, Europan edo Europa eta Asiaren arteko mugetan, klase iraultzailearen agintea, hots, proletalgoaren agintea esan nahiko luke, eta nekazari txiroen laguntzaz, oinarri materialen existentzia aprobetxatuko luke sozialismorantz joateko; ez luke bakarrik 18. mendeko jakobinoek eman zituzten gauza handi, suntsiezin eta ahaztezinak eskainiko, baizik-eta, mundu osoan zehar, langileen garaipen iraunkor bat lortuko luke.

Normala da burgesiak jakobinoak gorrotatzea. Normala da burgesia-txikia haien beldur izatea. Proletarioek eta klase-kontzientziadun langileek konfiantza osoa dute klase iraultzaile eta zapaldua boterearen jabe izatera helduko dela, eta hauxe da, hain zuzen ere, jakobinismoaren esentzia, egungo krisiaren irtenbide bakarra, hondamendi ekonomikoari eta gerrari amaiera emateko modu bakarra.

—Lenin: ¿Puede asustarse la clase obrera con el “jacobinismo”?

 Pravda, 90. alea, 1917ko ekainaren 7a (ekainaren 24a)

Lenin, zapalkuntza nazionalaren kontra

“

Iraultza sozialista egin eta burgesia garaitu ahal izateko, langileak beraien artean estuki batu behar dira, eta batasun sendo horri laguntzen dio nazioen autodeterminazioaren eskubidearen aldeko borrokak, hots, anexioen aurkako borrokak”

—Lenin: Balance de una discusión sobre el derecho de las naciones a la autodeterminación (1916ko ekaina)

Lenin: Botere sobietarra eta emakumearen egoera



"1917ko Emakume Langilearen Eguna Errusiar Iraultzaren txinparta izan zen -
Emakumearen askapena iraultza sozialistaren bitartez! Liga Espartakista"

 

 

Lenin :

BOTERE SOBIETARRA eta

EMAKUMEAREN EGOERA

 

1919ko azaroa.

Blog honek euskaratu du gazteleratik.

 

B

otere sobietarraren bigarren urtemugaren karietara beharrezkoa da urte hauetan egindakoari buruzko bilan bat egitea eta gertatutako aldaketen garrantziaz eta hauen helburuetaz hausnarketa bat egitea.

Burgesiak eta bere lagunek demokrazia urratu izana leporatzen digute. Guk, gure aldetik, iraultza sobietarrak ordura arte ikusi gabeko bulkada sakon eta zabal bat eman diola baieztatzen dugu, hau da, kapitalismoak  menperatutako jende langile eta zapalduari, herriaren gehiengo zabalari mesede egiten dion demokraziari, (langileen aldeko) demokrazia sozialistari, eta ez demokrazia burgesari (esplotatzaileentzat dena, kapitalistentzat, aberatsentzat).

Nork du arrazoia?

Arazo hau ongi analizatzeko eta sakonago ulertzeko, bi urte hauen esperientziaren bilan bat egin behar dugu, eta prest egon behar gara esperientzia hau garatu eta aurrera eramateko.

Emakumearen egoerak agerian uzten du modurik nabarmenenean demokrazia burgesaren eta demokrazia sozialistaren arteko diferentzia, eta erantzun bikain bat ematen dio planteatutako arazoari.

Errepublika burges batean (hau da, lurraren, fabriken eta lantegien, akzioen, eta abarren jabetza pribatua existitzen den lekuan), nahiz-eta errepublika demokratikoena izan, emakumeak ez du inoiz izan gizonezkoek dituzten eskubide berdintsurik, munduko inongo lekutan, ezta herrialde garatuenetako batean. Eta hori duela 125 urte pasa direla Frantses Iraultza (demokratiko-burges) handia gertatu zela.

Demokrazia burgesak hitzez promesten du askatasuna eta berdintasuna. Baina errealitatean, legearen aurrean, ezta errepublika burges bakar batean, ezta aurreratuenean ere, ez dio eman emakumeari eskubide berdintasun osoa gizonekiko, eta ez du emakumea askatu gizonen zapalkuntzatik eta menpekotasunetik.

Demokrazia burgesa esaldi hantusteen, hitz solemneen, promesa liberalen, askatasunari eta berdintasunari buruzko eslogan hotsandien demokrazia da, baina errealitatean, horrek guztiak emakumearen askatasun falta eta berdintasun eza ezkutatzen du, langileen eta zapalduen askatasun falta eta berdintasun eza.

Demokrazia sobietarrak edo sozialistak hitz hantuste baina faltsu horiek bazterrera

Leninen "Botere sobietarra
eta emakumearen egoera"

bota eta errukirik gabe gerra deklaratzen dio “demokraten”, lur-jabeen, kapitalisten eta nekazari aberatsen hipokrisiari, espekulazioaren bitartez, zerealen soberakinak salduz, langile gosetien kontura aberastu egiten direlako.

Gezur zitalik ez! Ezin da egon, ez dago, eta ez da inoiz egongo “berdintasunik” zapaltzaileen eta zapalduen artean, esplotatzaileen eta esplotatuen artean. Ezin da egon, ez dago, eta ez da inoiz egongo “askatasunik” emakumeek gizonen pribilegio legalen oztopoak pairatzen dituzten bitartean, langileak kapitalaren uztarpetik askatzen ez diren bitartean; nakazari beharginak kapitalistaren, lur-jabearen eta merkatariaren uztarpetik askatzen ez diren bitartean.

Saia bitez hipokritak eta gezurtiak, ergelak eta itsuak, burgesak eta beraien morroiak, herria engainatzen askatasun orokorrarekin, berdintasun orokorrarekin, demokrazia orokorrarekin.

Guk langileei eta nekazariei honako hau esaten diegu: Kendu iezaiozue mozorroa gezurti horiei, ireki iezaizkiozue begiak itsuei !

Galde iezaiezue:

—Ba al da berdintasunik sexu baten eta bestearen artean ?

—Nazio baten eta bestearen artean ?

—Klase baten eta beste klase baten artean ?

—Zein uztarritik askatu, edo zein klaseren uztarritik? Askatasuna zein klaserentzat?

Politikari buruz, demokrazia eta askatasunari buruz, berdintasunari buruz, sozialismoari buruz hitz egiten duenak galdera horiek planteatu gabe, lehentasunik eman gabe, galdera horiek ezkutatzearen, estaltzearen eta disimulatzearen aurka borrokatzen ez dena, langileen etsairik okerrena da, ardi larruz estalitako otso bat da, langileen eta nekazarien aurkaririk basatiena, lur-jabeen, tsar-en eta kapitalisten lekaio bat.

Bi urtetan botere sobietarrak, Europako herrialderik atzeratuenetako batean, gauza gehiago egin ditu emakumearen emantzipazioaren alde, sexu “indartsuaren” aurrean berdintasuna lortzearen alde, 130 urtetan munduko errepublika “demokratiko” aurreratu eta ilustratuek egin dutena baino.

Hezkuntza, kultura, zibilizazioa, libertatea, hitz hotsandi guzti hauek, munduko errepublika kapitalista eta burges guztietan lege multzo ikaragarriki doilorrez, nazkagarriki zikinez, basatiki zakarrez lagundurik doaz, eta emakumearen berdintasun eza ezartzen dute ezkontzan eta dibortzioan, berdintasun eza ezartzen dute ezkontzatik at jaiotako haurren eta haur “legitimoen” artean; lege hauek pribilegioak ematen dizkiete gizonei, baina emakumea umiliatu eta degradatzen dute.

Kapitalaren uztarriak, “jabetza pribatu sakratuaren” zapalkuntzak, filistiar ergelkeriaren despotismoak, jabe txikiaren gutiziak; gauza hauek eragotzi diete errepublika burges demokratikoenei lege zital eta nazkagarri horiek abolitzea.

Sobietar Errepublikak, langileen eta nekazarien errepublikak, kolpe batez deuseztatu zituen lege horiek eta ez zuen zutik utzi gezur burgesen eta hipokrisia burgesaren dorrearen harri bat bera ere.

Behera gezur horiek! Behera guztiontzako askatasunaz eta berdintasunaz hitz egiten duten gezurtiak, klase zapaltzaileak dirauten bitartean, kapitalaren eta akzioen jabetza pribatua dirauen bitartean, gosetiak esklabo bihurtzeko zerealen soberakinak erabiltzen duen jende aberatsa existitzen den bitartean! Askatasunik ez guztientzako, berdintasunik ez guztientzako, baizik-eta gerra zapaltzaileei eta esplotatzaileei, zapaltzeko eta esplotatzeko aukera  oro deuseztatu behar da! Hori da gure deiadarra!

Askatasuna eta berdintasuna sexu zapalduarentzat!

Askatasuna eta berdintasuna langileentzat eta nekazari beharginentzat!

Zapaltzaileen aurka, borroka; kapitalisten aurka, kulak* espekulatzaileen aurka, borroka!

Hori da gure borroka deiadarra, hori da egia proletarioa, kapitalaren aurkako egia, kapitalaren munduaren aurpegira —askatasuna eta berdintasuna orokorrean, askatasuna eta berdintasuna guztientzako aldarrikatzen duten esaldi melenga, hipokrita eta handiusteekin— jaurtitzen dugun egia.

Hipokrisia hau agerian utzi dugulako, energia iraultzailearekin langile zapalduen askatasuna eta eskubide osoak bermatzen gabiltzalako, zapaltzaileen aurka, kapitalisten aurka, kulak-en aurka; horrexegatik da, hain zuzen ere, hain maitatua botere sobietarra munduko langileen artean.

Ondorioz, botere sobietarraren bigarren urtemugaren egunean, gure alde azaltzen da, munduko herrialde guztietan, langile jendearen sinpatia, zanpatuen eta esplotatuen sinpatia.

Hortaz, botere sobietarraren bigarren urtemuga ospatzean, nahiz-eta gosea eta hotza pairatu, nahiz-eta errusiar Errepublika Sobietarrak inbasio inperialistak eragindako sufrimendu guztiak jasan, irmoki uste dugu gure kausa justua dela,  irmoki uste dugu botere sobietarraren garaipena saihetsezina dela mundu mailan.

—Lenin, Alderdi Komunista

Pravda, 249. alea, 1919ko azaroaren 6a.

Pravda egunkariaren arabera argitaratua.

Akal: Lenin, obras completas, 32. liburukia.

 

(*)Kulak: Nekazari aberatsa

Ekialdeko emakumea askatzeko afixa komunista

Советская власть и положение женщины

Lenin: Emakume langileei

“Proletalgoak ezin du erabateko garaipena lortu

emakumearen askatasun osoa erdietsi gabe.”

—Lenin

 

Lenin :

EMAKUME LANGILEEI

1920ko otsailaren 21a

B

urkideak, Moskuko sobiet-a hautatzeko egindako hauteskundeek frogatu dute Alderdi Komunistak langileriaren artean bere indarra sendotzen ari dela.

Beharrezkoa da emakume langileek gehiago parte hartzea hauteskudeetan. Botere sobietarra lehenbizikoa eta bakarra izan da mundu mailan emakumea gizonen menpe jartzen zuten lege burges zahar eta zitalak erabat abolitzen; lege hauek gizonezkoa egoera pribilegiatu batean jartzen zuten, ezkontza-eskubideei edo seme-alabei dagokionez, esate baterako. Botere sobietarrak, hau da, langileen botereak, lehenbizikoa eta bakarra izan da munduan errepublika burges guztietan —baita demokratikoenetan ere— dauden gizonaren aldeko pribilegioak deuseztatzen, pribilegio hauek jabetzarekin uztarturik daude, eta zuzenbide familiarrean diraute.

Lur-jabeak, kapitalistak eta merkatariak dauden tokian, ezin du gizonen eta emakumeen artean berdintasunik egon, ezta legearen aurrean ere.

Lur-jaberik, kapitalistarik eta merkataririk ez dagoen lekuan, langileen botereak —esplotatzaile horiek gabe—  bizitza berri bat eraikitzen duen lekuan, bada berdintasuna gizonaren eta emakumearen artean legearen aurrean.

Baina hau ez da aski.

Legearen aurreko berdintasuna ez da halabeharrez berdintasuna egintzetan.

Emakumezko langileen eta gizonezko langileen artean berdintasuna egotea lortu behar dugu, ez bakarrik legearen aurrean, baizik-eta egintzetan. Horretarako emakume langileak enpresa sozialen administrazioan eta Estatuaren administrazioan geroz eta gehiago parte hartzea behar dugu.

Administrazioan parte hartzean, emakumeek bizkor ikasiko dute, eta gizonen mailan jarriko dira.

Hauta itzazue emakume langile gehiago sobiet-erako, bai komunistak bai alderdiko kide ez direnak. Baldintza bakarra langile zintzoak izatea da, lana modu zentzudun eta ondratuan egiteko gai direnak, nahiz-eta alderdiko kide ez izan, hauta itzazue Moskuko sobiet-erako!

Emakume langile gehiago Moskuko sobiet-ean! Moskuko proletalgoak frogatu dezala beharrezkoa dena egiteko prest dela, eta behar den guzia egiten duela garaipena lortzeko borrokan, aspaldiko berdintasun ezaren aurkako borrokan, emakumearen umiliazio burges zaharraren aurka!

Proletalgoak ezin du erabateko garaipena lortu emakumearen askatasun osoa erdietsi gabe.

—N. Lenin

1920ko otsailaren 21a

Pravda, 40. alea, 1920ko otsailaren 22a.

Egunkariaren testuaren arabera argitaratua,

Akal argitaletxearen arabera.


 

Langileen iraultzaren eta emazteen askapenaren aldeko aldarri komunista Estatu Batuetan

Emakumeak guardia gorrian

Ezkontza bat Asia sobietarrean 1920ko hamarkadan (gibelean Marx eta Leninen erretratuak).

1917ko iraultza.
Ministro kapitalisten kontrako manifestazioa.

 

Embed from Getty Images